Deputeti demokrat, Tomorr Alizoti ka folur për inisiativën dhe votimin e njëanshëm të mazhorancës socialiste për të ngritur komisionin antikorrupsion, pas votimit të rezolutës në seancën pararendëse.
Sipas Alizotit, nuk ka shqiptar që të mos arrijë në një perceptim, apo në një përfundim që kjo është qeveria më e korruptuar që nga koha e ilirëve në drejtimin që kanë pasur ata.
Deputeti demokrat theksoi se njerëzit e mazhorancës socialiste nuk janë të korruptuar, por këta kanë një projekt që vjedhin dhe pushteti i tyre bazohet në një projekt grabitjeje ndaj buxhetit të shtetit të shqiptarëve për të financuar pushtetin dhe mediat që ndërtojnë të gjithë këtë pushtet.
“Nuk ka shqiptarë që të mos arrijë në një perceptim në një përfundim që kjo është qeveria më e korruptuar që nga koha e ilirëve në drejtimin që kanë pasur ata.
Këta njerëz nuk janë të korruptuar, këta kanë një projekt që vjedhin. Sepse nqs korrupsioni është një pagues për favore ky është një projekt. Pushteti i tyre bazohet në një projekt grabitje të buxhetit të shtetit të shqiptarëve për të financuar pushtetin dhe mediat që ndërtojnë të gjithë këtë pushtet që është sipërfaqësor dhe jo esencial.
Këta njerëz që kanë krijuar këtë errësirë, me këtë zëvendëskryeministrin në arrati pikërisht për vjedhje, me më shumë se gjysmën e qeverisë pikërisht për këtë projektin vjedhës, për të gjitha këto të këqija të këtij vendi, pra këta që e kanë pjesë të menaxhimit vjedhjen e tyre, bëjnë një projekt kundra vetes së tyre. Kjo nuk ka as llogjikë politike as një llojë llogjike. Kjo çon maskarallëkun madhor e bëjnë global që këta vjedhin dhe vetë e propozojnë dhe vetë e miratojnë.
Këtu bie e gjithë esenca e diskutimit tonë. Duhet të kishte një përgjegjësi politike sepse nuk ka vetëm përgjegjësi penale. Në këto 11 vite s’kemi parë asnjë përgjegjësi politike.
Kur ekipi yt që ti drejton dhe njerëzit që ti zgjedh të bashkëqeverisin me ty, dalin të tillë, ti duhet të dalësh dhe të marësh përgjegjësinë politike dhe të tërhiqesh si ai i bashkisë, si kryeministri.
Këta nuk të mbajnë as në qeveri dhe as në punë nqs ti nuk vjedh për ata. Ky nuk është më korrupsion por një projekt i madh që grabit pafund dhe sot është kthyer në një problem ekzistencial të kombit shqiptar, ndaj shqiptarët po ikin me ritme shumë të larta pikërisht prej këtij projekti vjedhës nga Shqipëria sikur të ketë luftë”, u shpreh ai.
Discussion about this post