Covid-19 në vend, 3 viktima dhe 325 raste të reja në 24 orë

Ministria e Shëndetësisë publikoi shifrat e përballjes me virusin Covid-19 gjatë 24 orëve të fundit. Sipas këtyre të dhënave 3 persona kanë humbur jetën për shkak të Covid-19, ndërsa janë shënuar 325 raste të reja, nga 3109 testime të kryera. Tre humbjet e jetëve janë shënuar në Fier, një qytetar 75 vjeç, një qytetar nga Vlora 78 vjeç, një qytetar nga Tirana 80 vjeç.

Aktualisht në spitalet Covid po marrin trajtim 139 pacientë, nga të cilët 12 janë në gjendje më të rënduar, ndërsa janë 5333 pacientë aktivë me në të gjithë vendin. Ndërkohë raportohet se janë shëruar 355 qytetarë gjatë 24 orëve të fundit, duke e çuar numrin e të shëruarve në 197,055 që nga fillimi i epidemisë.