Detaje të reja janë zbuluar nga mbytja në detin e Kretës së 7-vjeçarit shqiptar.
Nikolasi i vogël u mbyt teksa po notonte së bashku me një mik të tijën. 7-vjeçari u largua pa dëshirën e nënës së tij. Ai më herët i kishte kërkuar të shkonte të notonte tek plazhi që ndodhej disa dhjetëra metra larg shtëpisë, por e ëma nuk e lejoji. Ai doli fshehurazi nga shtëpia, ndërkohë që e ëma po kujdesej për fëmijën e vogël që kishte lindur disa muaj më parë.
Fatkeqësisht Nikolasin e kanë marrë dallgët e si për pasojë ka humbur ndjenjat. Ai u gjet në breg me trupin e përmbysur dhe kokën në ujë nga kalimtarët e rastit, të cilët e nxorën menjëherë nga deti dhe thirrën ambulancën.
Pavarësisht ndihmës së parë që kalimtarët i dhanë, fëmija kishe humbur jetën.
Nikolasi jetonte me prindërit e tij në Arvi. Sipas mediave vendase, prindërit e tij janë punëtorë kryesisht në serra, njerëz të shkëlqyer siç përshkruajnë bashkëfshatarët e tyre. Të gjithë e tregojnë 7-vjeçarin si një fëmijë të mrekullueshëm plot energji, gëzim dhe mirësi.
“Në një tragjedi të tillë duhet të heshtim. Përballë zisë, të mos gjykojmë”, shtoi Karpathakis, duke theksuar se prindërit e Nikolas janë njerëz që punojnë gjithë ditën për t’u ofruar më të mirën fëmijëve të tyre.
Kryebashkiaku i Viannos, Pavlos Baritakis, tha për cretapost.gr se “fëmija e donte shumë detin dhe i shpëtoi vëmendjes së prindërve, si pasojë e të cilit humbi jetën”. Në një pyetje lidhur me plazhin, kryebashkiaku i Viannos theksoi se ky plazh i veçantë nuk është i organizuar , pra nuk ka një roje shpëtimi. Gjithashtu, është shkëmbor.
Discussion about this post