Berat, banesa digjet nga zjarri

Një zjarr ka rënë në një banesë private, rreth orës 16:00 të ditës së sotme, në lagjen “Dëshmorët e Kombit” në Berat.

Zjarri i rënë në këtë lagje është parë nga banorët përreth, të cilët kanë njoftuar zjarrëfikësit.

Ndërhyrja e zjarrfikësve ka sjellë neutralizimin e flakëve dhe shuarjen e tij.

Në banesë nuk kishte asnjeri në momentin e rënies së zjarrit, që paraprakisht mendohet të jetë shkaktuar nga një shkëndijë elektrike.

Si pasojë e zjarrit është djegur njëra nga dhomat e katit të parë të banesës së shtetasit A.Merko.