Një aksident është regjistruar mbrëmjen e sotme në Sukth, ku një automjet ka përplasur një motor me drejtues një 21-vjeçar, i cili është plagosur rëndë.
I riu është transportuar në Spitalin e Traumës në Tiranë.
“Rreth orës 20:25, në fshatin Kullë, Sukth, automjeti me drejtues shtetasin B. H., 48 vjeç, është përplasur me motomjetin me drejtues shtetasin M. H., 21 vjeç, i cili është transportuar për ndihmë mjekësore në Spitalin e Traumës në Tiranë. Drejtuesi i automjetit shtetasi B. H, është shoqëruar në Komisariat për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”, njoftoi policia.
Discussion about this post