Në mbrëmjen e kësaj të shtune Barcelona priti në ‘Camp Nou’ Elchen, për të triumfuar ndaj kësaj të fundit me rezultatin 3-2.
Katalanasit ishin të parët që morën në dorë fatin e këtij takimi, duke shënuar dy gola të shpejtë me Jutgla në minutën e 16’ që shfrytëzoi më së miri një asist nga Dembele, dhe Gavi që do të shfrytëzonte pasimin e Lenglet në minutën e 19’ për ta shndëruar në golin e dytë të pjesës së parë qe u mbyll me shifrat 2-0.
Elche do të bënte zëvendësime të menjëhershme në fillimin e pjesës së dyte, ku i sapoaktivizuari Tete Morente do të tundte rrjetën e Ter Stegen në minutën e 62’. Një minutë më pas një tjetër i sapohedhur në fushë do të gjente sërish rrjetën, ku Milla shënoi në minutën e 63’ duke barazpeshuar rezultatin në fushë me shifrat 2-2.
Nico do të ishte ‘shpëtimtari’ katalanas , i cili i bashkërenduar me Gavin, do të realizonte golin e avantazhit në minutën e 85’, duke rikthyer kontrollin e lojës në anën e Barcelonës e cila pas këtyre tre pikëve të fituara, arrin të ngjitet në vendin e 7 të renditjes së La Ligës me 27 pikë.
Discussion about this post