Në kërkim nga Italia, arrestohet 45-vjeçari me dy emra

Një person i shpallur në kërkim ndërkombëtar nga autoritetet italiane dhe i dënuar për trafik droge në shtetitn fqinj është arrestuar nga Policia e Elbasanit.

Bëhet me dije se në pranga është vënë Ermal Nonaj alias Marvi Nonaj, 45 vjeç, banues në Elbasan.

“Gjykata e Apelit Torino, me vendimin e datës 11.03.2021, e ka dënuar këtë shtetas, me 4 vjet e 4 muaj burgim, për veprën penale “Trafikimi i lëndëve narkotike”, parashikuar nga Kodi Penal italian.” – thuhet në njoftimin e Policisë.

Blutë e Elbasanit bëjnë me dije se vijojnë procedurat për ekstradimin e 45-vjeçarit në Itali.