Tentoi të përdhunojë punonjësen e shtëpisë publike, arrestohet shqiptari në Greqi

Një shtetas shqiptar, është arrestuar nga policia Greke pasi akuzohet për dhunë seksuale.

Sipas informacioneve të mediave helene, 41 vjeçari ka tentuar të kryej marrëdhënie seksuale me dhunë me një punonjëse në shtëpi publike.

Sipas informacioneve, shqiptari pasi ka hyrë në shtëpinë publike, ka kërkuar shërbime seksuale të cilat punonjësja nuk ka pranuar t’ia japë, ndërsa ka nisur të hedhë sende dhe të shkaktojë dëme duke sharë dhe kërcënuar punonjësen.

Të bërtiturat e gruas shkaktuan trazira në qendër të Volosit dhe banorët e zonës thirrën menjëherë policinë.

Pas arrestimit i pandehuri nuk i është bindur policisë ndërsa gruaja është thirrur për të dëshmuar. Ajo thuhet se raportoi se burri u përpoq ta përdhunonte.

41-vjeçari do të dërgohet në prokurorinë kompetente.