Kryeministri Rama e ka shfrytëzuar vizitën e homologes së tij italiane, Xhorxhia Meloni në Shëngjin për të kundërshtuar edhe një herë faktet që i vunë përballë gazetarët e emisionit Report, që nga korrupsioni tek lidhjet me krimin. I ndërgjegjshëm se mesazhi i tij do të dëgjohet në Itali, Rama e nisi konferencën me Melonin duke përmendur organizatat kriminale me famë botërore që e kanë origjinën në Itali si Camorra dhe Cosa nostra.
“Duke cituar kreun e SPAK nuk mund të themi që në këtë vend nuk ekzistojnë struktura që u ngjajnë organizata mafioze të llojit Cosa Nostra, Camorra. Sepse grupet kriminale shqiptare nuk kanë hierarki të tyre. Nuk mund të mos shpreh trishtim për gjysmë të vërtetat e thena për të sulmuar marrëveshjen mes dy qeverive në luftën kundër emigrantëve. Duhet të kenë turp që të drejtën demokratike e shndërruan ën një abuzim të pushtetit të katërt në kurriz të shqiptarëve e italianëve”, tha Rama.
Kryeministrja italiane Giorgia Meloni është shprehur se kampet e pritje dhe strehimit të emigrantëve në Shëngjin e Gjadër do të hapen nga 1 Gushti. Meloni shtoi se dy muajt e vonesës erdhën për shkak të terrenit të vështirë në Gjadër.
Gjithashtu, Meloni i ka dalë në krah homologut të saj Edi Rama, duke thënë se ndaj qeverisë shqiptare nisi një fushatë denigruese.
“Kemi dëgjuar etiketime sikur qeveria shqiptare është një narkoshtet. Nuk është hera e parë që Shqipëria ofron bashkëpunim. Edhe më parë historia e Shqipërisë ka treguar se ajo ka pasur dëshirën për të qenë pjesë e BE dhe për të gjetur ato mundësi bashkëpunimi”, tha Meloni.
Discussion about this post