Në një konferencë për mediat, kryeministrja e Italisë Giorgia Meloni, ka dhënë detaje të reja në lidhje me hapjen e kampit të emigrantëve në Gjadër.
Sipas saj, hapja e tij do të bëhet në 1 gusht, dhe se shpenzimet kapin shifrën 13.5mln euro në vit por që shteti italian do të kursej rreth 136mln euro në vit. Ndërsa shoqëria e cila do jetë në krye të menaxhimit do jetë Meri Hospes.
‘Meri Hospes është shoqëria që do të ndjekë menaxhimin e strukturave. Transporti do të kryhet nga anijet e marinës italiane e Guardia di Finanza
Ministria e Brendshme ka shpallur një garë për shpenzimet e transportit që arrijnë shifrën 13.5 mln euro por sigurisht edhe për sa i përket situatës në detin Kuq e Mesdhe do të shikojmë mundësinë e trajtimit të emigranteve nga anijet e marinës italiane. Kostoja është 343 mln euro në vit që përbëjnë 7.5% të trajtimit të emigrantëve në territor kombëtar. Do të kursejmë 136 mln euro në vit”, dhe Meloni.
Nga krahu tjetër Edi Rama ka deklaruar se Shqipëria nuk fiton asgjë nga kjo marrëveshje përveç mirënjohjes, pasi Shqipëria e ka për detyrë që të ndihmojë një vend mik si Italia.
“Ne mund të thoshim jo siç thanë të tjerët kur ata në Kabul u lanë në mëshirën e fatit, por duke qenë një vend që jemi në NATO, ama jemi të vetëdijshëm që nuk jemi një fuqi ushtarake për të përcaktuar fatet e luftërave ku futet NATO, na takon ne, mos harroni që jemi i vetmi vend që kemi pasur më shumë hebrenj sepse ne jemi lindur në një vend që në ADN e vet e ka të shkruar që Shtëpia e shqiptarit është2 e zotit dhe e mikut”. Nuk ishte një gjest i kalkuluar.
Ne nuk kemi kërkuar asnjë euro, se po të kishim kërkuar nuk do ishim ne. Çfarë do fitojë ekonomia lokale këtu nga kjo marrëveshje, ne nuk e kemi bërë këta kalkulim. Është e tmerrshme të shohësh sesi kjo marrëveshje është komentuar deri tek dhënia e tenderave të qendrës malavitës shqiptare. Gjithçka administrohet nga pala italiane” tha Rama.
Ndër të tjera në përgjigjet e Giorgia Meloni, nuk mungoi dhe retorika mbrojtëse ndaj kreut të shtetit shqiptar Edi Rama. Rikujtojmë që në javët e fundit Edi Rama është akuzuar si bashkëpunëtorë me bandat e krimit.
Discussion about this post