Foto/ Detaje nga vrasja në Dhërmi, autori është dhëndri i pronares së hotelit

Të tjera detaje janë zbardhur në lidhje me vrasjen e 31-vjeçarit Eraldo Nevruzi në Dhërmi.

Autori i dyshuar, Gerald Shehu, është dhëndri i një prej bashkëpronarëve të hotelit ku punonte si recepsionist viktima.

Shehu prej vitesh jetonte në Angli, por ai rezulton se është person me precedentë penal. Sipas informacioneve, Gerald Shehu është arrestuar nga policia në korrik të vitit 2021.

Ai së bashku me një shtetas  tjetër kishin ndërtuar pa leje gjatë vijës bregdetare.

Aktualisht Shehu është shpallur në kërkim lidhur me vrasjen e Eraldo Nevruzit dhe dyshohet se është arratisur drejt shtetit grek.

Dyshohet se vrasja ka ndodhur në një nga dhomat e hotelit, ku janë gjetur edhe gjurmë gjaku Policia ka ngritur grupe pune për gjetjen e trupit të të riut, si dhe arrestimin e 43-vjeçarit që dyshohet se është arratisur drejt Greqisë.

Personi që shihni në foto është 43-vjeçari Geraldo Shehu nga Tepelena, i cili dyshohet se është autori i vrasjes së Eraldo Nevruzit që punonte si recepsionist në një hotel në Dhërmi.