Kryeministri Edi Rama ka reaguar pas tensioneve të fundit në Kuvend dhe protestës para këtij institucioni, që ishte thirrur nga opozita pas investigimeve të RAI3. Kreu i shtetit jo vetëm që nuk ka treguar asnjë shenjë reflektimi pas skandaleve të shumta që po kapin njëra-tjetrën, por tashmë ka gjetur edhe ‘armikun’ pikërisht te opozita, e cila i ka sjellë të gjitha këto të zeza në vendin tonë, pavarësisht se ai është ne krye të qeverisjes së vendit prej 12 vitesh.
Reagimi i Ramës:
Cilët ishin autorët e rikthimit kaq të shpejtë në identitet të opozitës sot në parlament?
Një kriminel italian i dënuar 17 vjet nga drejtësia shqiptare;
Një ish-zv.kryeministër i arratisur për t’i ikur drejtësisë;
Një ish-kryeministër në arrest shtëpie me vendim të drejtësisë;
Një ish-prokuror i përjashtuar nga sistemi i drejtësisë për mosjustifikim pasurie;
Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës.
Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta.
Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush.
Discussion about this post