Prej vitesh Shqipëria vuan nga largimet e shumta drejtë vendeve e zhvilluara Europiane por jo vetëm. Edhe pse në media raportohet e kundërt nga mazhoranca për rritje ekonomike apo rikthime në atdhe, statistikat tregojnë të kundërt.
Së fundmi sipas raportit të Eurostat në 2023 Shqipëria u rendit e treta për numrin e lartë të aplikimeve për azil. Konkretisht ka pasur 331 aplikime për 100 mijë banorë nga Shqipëria përkundrejt 17 aplikime për 100 mijë banorë, që është mesatarja e të gjithë aplikimeve në Bashkimin Europian.
Më shqetësues është fakti se ata që largohen jashtë vendit është grupmosha e re dhe ajo e kualifikuar.
Gjatë 10-vjeçarit të fundit, mbi 64 mijë të rinj nën 18 vjeç nga Shqipëria kërkuan azil në një nga vendet e Bashkimit Europian, duke e renditur vendin tonë të pestin në botë pas Sirisë, Afganistanit, Irakut që kanë qenë në luftë dhe Turqisë. Të gjitha këto vende kanë popullsi shumë më të madhe se Shqipëria.
Franca është vendi më i preferuar për shqiptarët për të kërkuar azil, me 38% të totalit, pasuar nga Gjermania me 24% të totalit, Italia me 16% dhe Greqia me 10% të totalit të aplikimeve.
Discussion about this post