Mashtruan një exchange duke këmbyer para të falsifikuara, shpallen në kërkim dy gjeorgjianë

Policia ka shpallur në kërkim dy shtetas të huaj pasi kanë mashtruar në një në një exchange, duke këmbyer një shumë parash me kartëmonedha të falsifikuara.

Dy gjeorgjianët, 46 dhe 49 vjeç, më 1 qershor në një subjekt exchange në Elbasan kanë këmbyer 40 milionë lekë, në 40 000 euro, me kartëmonedha të falsifikuara.

Vijon puna për kapjen e këtyre 2 shtetasve.

Njoftimi i policisë:

Mashtruan në një exchange, duke këmbyer një shumë parash me kartëmonedha të falsifikuara, identifikohen dhe shpallen në kërkim 2 shtetasit gjeorgjianë.

Si rezultat i veprimeve intensive hetimore të kryera nga Sektori për Hetimin e Krimeve Ekonomike dhe Financiare në DVP Elbasan, pas kallëzimit nga pronari i një exchange, se 2 shtetas e kishin mashtruar në exchange, duke këmbyer një shumë parash nga lekë në euro, me kartëmonedha të falsifikuara, kanë bërë të mundur identifikimin e 2 autorëve të rastit.

Në vijim të veprimeve u shpallën në kërkim shtetasit gjeorgjianë L. R., 49 vjeç dhe L. P., 46 vjeç, për veprat penale “Mashtrimi” dhe “Falsifikimi i monedhave”.

Këta 2 shtetas, më datë 01.06.2024, në subjektin exchange në pronësi të shtetasit A. A., kanë këmbyer 40 milionë lekë, në 40 000 euro, me kartëmonedha të falsifikuara.

Vijon puna për kapjen e këtyre 2 shtetasve.

Materialet procedurale i kaluan Prokurorisë.