Gjykata e Apelit ka nisur këtë të martë, 11 qershor, shqyrtimin e çështjes së vulës dhe siglës së Partisë Demokratike.
Në seancën që po mbahet në Apel, do përcaktohet se kush do të ketë drejtimin e focës më të madhe opozitare në vend.
Rithemelimi i ish-kryeministrit, përfaqësohet në gjyqin për vulën nga Ivi Kaso, Ledina Mandija dhe Oerd Bylykbashi.
Ndërsa,Partia Demokratike e Lulzim Bashës, përfaqësohet nga Indrit Sefa dhe Rezart Kthupi.
Rithemelimi parashtroi në nisje të seancës një kërkesë paraprake që ka të bëjë me mospranimin e ankimimit të Alibeajt për shkak se pretendon që nuk legjitimohen si palë.
“E drejta e anikimit i takon vetëm palës qe ka vënë në lëvizje gjykatën”, tha Kaso.
Trupa gjykuese përbëhet nga Alma Ahmeti, Iliba Bezati dhe Elona Toro.
Pas kësaj, gjykata është tërhiqur në Dhomë Këshillimi për të shqyrtuar kërkesën për mos legjitimim të Enkelejd Alibeajt dhe ankimimit që ai ka bërë.
Çështja për vulën e Partisë Demokratike u rikthye në Apel pas vendimit të Gjykatës së Lartë me 27 dhjetor 2023. Në vendim, Kolegji i Gjykatës së Lartë vlerëson se Apeli nuk ka kryer një hetim të plotë të çështjes, nuk ka kuptuar natyrën e mosmarrëveshjes dhe ka interpretuar gabim normat dhe ligjin procedural.
Discussion about this post