Presidenti i Serbisë Aleksandar Vuçiç, ka komentuar takimin që do të zhvillohet nesër në Tiranë në kuadër të “Open Balkan”. Ai është shprehur se ky takim që do të zhvillohet në Tiranë do të sjellë shumë përfitime dhe se është domosdoshme që të bashkohen edhe shtetet e tjera.
“Në besojmë se me këtë takim do të lehtësojmë jo vetëm lëvizjet për qytetarët, por edhe për biznesmenët duke ndihmuar në lëvizjen e mallrave. Ne do të lidhim popujt tanë që të kenë një marrëdhënie shumë më të ngushtë nga ajo e kaluara” – ka thënë Vuçiç.
Tre liderët e Ballkanit që i janë bashkuar këtij projekti, presidenti i Serbisë Vuçiç , kryeministri Edi Rama dhe zëvendëskryeministri i Maqedonisë së Veriut Nikolla Dimitrov, mendojnë se bashkëpunimi për të lejuar lëvizjen e lirë të njerëzve do të nxisë tregtinë dhe rritjen ekonomike.
Ditën e nesërme në Tiranë pritet të mbahet një protestë kombëtare, e cila nis ne orën 16:00. Ajo është thirrur nga ish-kryeministri Berisha jo vetëm kundër vizitës së Vuçiç në Tiranë, por edhe kundër vjedhjes së shqiptarëve përmes aferës së inceneratorëve. Berisha ka deklaruar më herët se Vuçiç mos guxojë të vijë në Tiranë për “Open Balkan”, që e konsideron një projekt anti-shqiptar, pasi do të përballet me protestat më të fuqishme.
Discussion about this post