Policia e Vlorës ka arrestuar dy shtetas të huaj pasi akuzohen për shitje të drogërave të forta. Gjatë operacionit Tempulli të zhvilluar në Vlorë, u sekuestruan sasitë e lëndëve narkotike, një peshore elektronike, një shumë parash dhe 2 celularë.
Gjatë kontrollit në dhomat ku qëndronin këta shtetas, shërbimet e Policisë gjetën të fshehura sasi të drogave të forta kokainë, ketaminë, ekstazi dhe LSD, të cilat dyshohen se ata i posedonin me qëllim shitjen, kryesisht në lokalet e natës në Dhërmi.
Materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
Discussion about this post