Sherr në Shkodër, përfundon në spital 49-vjeçari

Një person ka përfunduar në spital pas një sherri të ndodhur në Shkodër.

“Rreth orës 09:00, në lagjen ‘Salo Halili’, dyshohet se gjatë një konflikti, ka pësuar dëmtime fizike nga goditja me sende të forta, shtetasi E.D., 49 vjeç, i cili po merr ndihmë mjekësore në Spitalin Rajonal Shkodër. Shërbimet e Policisë kanë shkuar menjëherë në vendngjarje dhe vijojnë kontrollet për kapjen e autorit”, njoftoi policia.

Grupi hetimor, në drejtimin e Prokurorisë, po punon për zbardhjen e rrethanave të ngjarjes, identifikimin dhe kapjen e autorit, shtuan të njëjtat burime.