Një aksident me pasojë vdekjen e një personi ka ndodhur në orët e para të mëngjesit të kësaj te premteje në Tiranë. Ngjarja e rëndë është regjistruar në bulevardin “Zhan D’ark” në afërsi të Shkozës.
Sipas informacioneve paraprake, një mjet i drejtuar nga Gëzim Marashi ka përplasur 76-vjeçarin Vlash Sokoli, i cili ka qënë me biçikletë duke kaluar rrugën. Si pasojë e plagëve, i moshuari ka ndërruar jetë në vend.
Drejtuesi i mjetit nuk ka qënë nën efektin e alkoolit, ndërkohë dhe shpejtësia e mjetit nuk ka qenë shumë e madhe, por dyshohet se viktima ka ndërruar jetë nga përplasja për shkak edhe të moshës.
“Në bulevardin “Zhan D’ark”automjeti me targa TR 6509 H , me drejtues shtetasin Gezim Marashi i dtl.12.07.1969 me leje drejtimi kategoria B , ka perplasur shtetasin Vlash Sokoli 76 vjeç i cili ka qene me biçiklete duke kaluar karrexhaten, ku i cili ka nderruar jete ne vendngjarje. Grupi hetimor po punon për sqarimin e rrethanave të aksidentit”, njoftoi policia.
Më shumë aksidente, të plagosur dhe viktima
Numri i aksidenteve në vend është shtuar sipas të dhënave të fundit të Institutit të Statistikave. Në Prill 2024, 123 aksidente janë shënuar në vend, nga 69 që u regjistruan një vit më parë. 500 aksidente u shënuan gjatë periudhës Janar-Prill 2024, krahasuar me 332 që ishte shifra e një viti më parë.
Me rritje regjistrohet edhe numri i viktimave e të plagosurve nga aksidentet rrugore. 689 aksidente me të vdekur dhe të plagosur janë shënuar gjatë tremujorit të parë të vitit, krahasuar me 454 të një viti më parë.
Discussion about this post