EMRI/ I vendoset tritol makinës së efektivit të policisë në Shkodër, detajet e para (Video)

Një sasi lënde plasëse është vendosur në automjetin e një efektivi policie në Shkodër.

Ngjarja ka ndodhur rreth orës 04:00 në lagjen “Tepe”.

Sipas informacioneve paraprake, automjeti i 59-vjeçarit, Kastriot Selimaj, polic i rrugores në DVP Shkodër, ishte i i parkuar në oborrin e banesës, teksa lënda plasëse është vendosur tek goma e pasme e automjetit.

“Rreth orës 04:00, në lagjen ‘Tepe’, Shkodër, në automjetin e shtetasit K. S., 50 vjeç, (punonjës Policie), i parkuar në oborrin e banesës, është vendosur lëndë plasëse tek goma e pasme e automjetit. Si pasojë është dëmtuar pjesërisht automjeti. Menjëherë në vendngjarje kanë shkuar forcat e Policisë të cilat vijojnë kontrollin në zonë. Ndërkohë grupi hetimor nën drejtimin e Prokurorisë po kryen veprimet për sqarimin e rrethanave të ngjarjes, identifikimin dhe kapjen e autorit/ev“, njoftoi policia.

Lexo edhe:

VIDEO – Pamjet kur i vihet tritol makinës së policit në Shkodër