Deputeti i Partisë së Lirisë, Petrit Vasili, ka reaguar për mbylljen e Parlamentit, rast i paprecedentë, nga ana e mazhoranës rilindase për shkak të vajtjes se deputetëve dhe ministrave të qeverisë në Gjermani për të parë Kampionatin Europian të Futbollit, ‘Euro2024’.
Vasili thotë se ky është një vendim i njëanshëm i rilindjes dhe se opozita e vendit ka qenë kategorike kundër mbylljes së punimeve të Kuvendit.
‘Qejfi është përpara çdo gjëje për rilindasit, ndërsa vendi përballet me probleme shumë të mëdha.’, – shkruan Vasili.
Postimi:
E pabesueshme, por e vërtetë!!
Kuvendi i Shqipërisë është i bllokuar dhe jashtë funksionit e detyrimit të tij kushtetues, sepse Rama, qeveria dhe deputetët po harbojnë në Gjermani.
Me vendime që rilindja i merr vetëm vetë dhe Lindita Nikolla i pranon, ndërkohe që opozita ka qenë kategorikisht kundër, pra thënë thjesht fare nuk zhvillohet seanca plenare vetëm për të përmbushur qejfet e rilindasve.
Ndërkohë edhe një javë më parë sërish me një vendim vetëm të rilindjes seanca e të enjtes nuk u zhvillua por u zhvendos të mërkurën.
Ndërkohë që asnjë Parlament Europian nuk bllokohet, por vazhdon punën që Kushtetuta e detyron në Shqipëri Parlamenti trajtohet si veprimtari dytësore dhe e parëndësishme.
Qejfi është përpara çdo gjëje për rilindasit, ndërsa vendi përballet me probleme shumë të medha.
Kapja, zhvlerësimi dhe bastardimi i Parlamentit nga Rama, ka qenë objektiv i paracaktuar i rilindasve.
Rillindasit e thërresin edhe jashtë radhe Parlamentin kur ju duhet të votojnë aferat korruptive të tyre, por nuk e mbledhin fare kur duhet të shfryjnë qejfet e tyre.
Ky është Parlamenti bosh dhe i shpërfytyruar i Ramës dhe Nikollës.
Discussion about this post