Spanja mposhti Italinë mbrëmjen e sotme me rezultatin 1-0, në ndeshjen e dytë të vlefshme për Grupin B. Ky duel special u ndoq me mjaft interes edhe nga stafi dhe lojtarët e Kombëtares, të cilët u mblodhën bashkë në qendrën sportive ku qëndrojnë të grumbulluar.
Kuqezinjtë kanë studiuar kështu spanjollët që do të jenë dhe kundërshtari i ditës së hënë.
Atmosfera duket tepër pozitive, edhe pse përballë do të kenë një rival si Spanja, që është padyshim ndër pretendentet kryesore për të fituar këtë Euro 2024.
Por tifozët nuk mund të mos kapnin detajet, teksa disa lojtarë qëndronin me telefona në duar. Kjo është dhe arsyeja përse morën kritika të shumta përmes rrjeteve sociale.
“Çfarë po shohin këta?!”, “Të gjithë në telefona!”, ishin kritikat e tifozëve ndaj lojtarëve kuqezi.
Discussion about this post