Trajneri i Spanjës, Luis de la Fuente është deklaruar i kënaqur dhe krenar për skuadrën e tij pas fitores 1-0 ndaj Italisë në Grupin B të Euro 2024. Është një rezultat që e sheh Spanjën të kalojë më tej, pa marrë parasysh rezultatet tjera.
Statistikat e ndeshjes përballë italisë ka bërë trajnerin që ta cilësojë Spanjën si ekipin më të mirë në Euro 2024.
“Jam i lumtur, i kënaqur dhe mbi të gjitha krenar për grupin tim të lojtarëve. Një ditë më parë thashë se nuk lodhen duke luajtur dhe fituar dhe e dëshmuan përsëri.
Ishte një lojë shumë e vështirë. Dominuam, ne jemi në të gjitha fazat e lojës, krijuam shumë raste, dhe rezultati është shumë i butë ndaj kundërshtarit.
Të gjitha ndeshjet konkurruese janë të ndryshme. Ne duhet të vazhdojmë të punojmë me këtë përulësi duke e ditur se kemi ende hapësirë për përmirësim. Ndeshjet e ardhshme do të kërkojnë që ne të përmirësohemi dhe lojtarët ende mund ta bëjnë këtë.
Realisht, nuk ka ekip më të mirë se ne në Euro 2024. Ne i respektojmë të gjitha skuadrat, por thjesht duhet të vazhdojmë dhe mendoj se mund të bëjmë shumë”, u shpreh ai.
Discussion about this post