Breshër në Kolonjë, dëme të shumta në të mbjella

Reshje të dendura shiu shoqëruar me breshër janë shënuar ditën e sotme në disa prej fshatrave të bashkisë së Kolonjës.

Intensiteti me i lartë i breshrit ka qenë në fshatin turistik të Rehovës si dhe fshatrat e tjerë rrëzë pllajës se malit të Gramozit.

Reshjet e shiut shoqëruar me breshër kanë vazhduar për mbi 30 minuta, duke shkaktuar dëme të shumta në të mbjellat në veçanti në vreshtari aq sa në këtë fshat dëmi ka shkuar në masën 80%.

Prani breshri ka patur edhe në disa fshatra të fushës së Korçës por nuk ka shkaktuar dëme serioze.