Deputetja e Partisë Demokratike Ina Zhupa ka përgënjeshtruar akuzat drejt saj se ka paguar anëtarët e PD-së për të marrë pjesë në Kuvendin Kombëtar të së shtunës. Në disa foto të publikuara në rrjete sociale shihet një bisedë ku Zhupa I kërkon anëtarit të PD-së t’i kthejë lekët mbrapsht, pasi nuk kishte qenë prezentë në Kuvend. Zhupa është shprehur se të tilla sulme nuk mund të ndalojnë atë në luftën për të ardhmen e PD-së, teksa thekson se ka kallëzuar për montazh dhe falsifikim personat përgjegjës.
“Nëse mendojnë se me shpifje, montazhe dhe sulme te ulta do fitojnë terren tek demokratët e kanë gabim. Nëse mendojnë se demokratët bien pre e sulmeve të paguara prap e kanë shumë gabim! Nëse mendojnë se kështu me intimidojnë mua e keni edhe me shumë gabim, veç me motivoni të vazhdoj betejen për të ardhmen e PD! Për ta kuptuar ju ftoj të shikoni mbi 1020 prononcimet e mia publike që nga 2014 e deri sot, për aferat e Rilindjes, ku personazhet e denoncuar janë nga më të fuqishmit e qeverisjeve Rama!”
Sot kam depozituar kallëzim penal, për montazhin dhe fallsifikimin që qarkullon në rrjetet sociale duke u paraqit si komunikim i derguar nga unë. Çdo njeri pak racional s`ka rëne pre e këtij montazhi dhe falssifikimi të turpshëm! “
Deputetja e PD-së është shprehur se tani është në dorë të drejtësisë të çojë para drejtëisë abuzuesit, që sipas saj ka bërë një krim. Në të njëjtën kohë Zhupa thekson se çdokush që e ripublikon foton do të ndiqet penalisht.
“Tani është detyra e organeve të hetimit të zbulojnë origjinën e montazhit dhe të cojnë para drejtesise abuzuesit që kanë kryer këtë krim. Çdo profil personi qe qarkullon këtë shperndarje foto-montazhi përbën veper penale dhe kompetencë e organeve të hetimit për ta ndjekur. Nderkohe makineria e shpifjeve vazhdon prodhon lajme të rreme dhe ju garantoj që do të marrin të njejten pergjigje: Kallezim Penal!”
Discussion about this post