Sekuestrohen 111 mijë paund të padeklaruara dhe mallra kontrabandë në Durrës

Sekuestrohen në hyrje të Shqipërisë, në Portin e Durrësit një shumë monetare prej 111 000 paund dhe mallra me vlerë 900 euro. Procedohen penalisht 2 shtetasit që transportonin paratë dhe mallrat, me automjete me targa britanike.

Nga kontrolli i mjetit targa të Mbretërisë së Bashkuar, me drejtues një 47 vjeç, banues në Klos u gjetën në total 111 000 paund, të padeklaruara konform ligjit dhe të dyshuara me burim krimin.

Po ashtu në mjetin “Audi”, me targa të Mbretërisë së Bashkuar, me drejtues një shtetas shqiptar me qëndrim në Angli u gjetën mallra për të cilat paguhet akcizë, me vlerë rreth 900 euro.

Në përfundim të veprimeve procedurale për rastin, nisi procedimi në gjendje të lirë për drejtuesin e mjetit dhe u sekuestruan më cilësinë e provës materiale, mallrat.