Sekretari i përgjithshëm i PD-së Gazment Bardhi hodhi akuza të forta për referendumin e thirrur nga ish-kryeministri Sali Berisha, duke thënë se për shkarkimin e Bashës nuk votuan anëtarët e PD-së, por zyrtarë të LSI-së, njerëz të Tom Doshit dhe ish-kandidatët e partisë së Jozefina Topallit.
“Mund t’ju them se ka votuar një kryetar i LSI në Qarkun e Fierit. Në 92-shin ka qenë anëtar, në këtë kohë ka ndërruar disa parti, por ka shkuar të votojë me kartën e 92-shit, megjithëse është kryetar i LSI për Divjakën. Partia ka rregulla të qarta në statut kush quhet anëtar. Në dijeni tuaj, kanë votuar edhe drejtorë të emëruar nga Edi Rama, që kanë hequr demokratë nga puna” tha ai.
Ai kishte një përgjigje edhe Voltana Ademin që nuk e gjeti emrin në listë ditën e shtunë. “Kryetarja e baskisë Shkodër nuk e gjen emrin në listë. Ata nuk janë listat e anëtarëve të PD-së prandaj nuk i kanë gjetur emrat. Jo kushdo që mban një teserë partie ka të drejtë vote. Nëse nuk merr pjesë në 6 muajt e fundit në mbledhjet e seksionit nuk ke të drejtë vote” tha ai.
Edhe për mbledhjen e thirrur nga Sali Berisha më 11 dhjetor, ai tha se mes atyre që u tha se ishin delegatë, kishte njerëz të Tom Doshit dhe kandidatë të partisë së Topallit.
Discussion about this post