Në ngjarje e rëndë është regjistruar në Greqi ku një 26-vjeçare është sulmuar nga ish-partneri i saj shqiptar, i cili ka tentuar ta mbys kur ajo ka qenë në gjumë. E gjithë ngjarja ka ndodhur në sy të vajzës së saj.
Sipas mediave greke, gjithçka ka ndodhur në orët e para të së enjtes së kaluar kur 33-vjeçari nga Shqipëria hyri në shtëpinë e ish-partneres së tij duke thyer derën me shkelma dhe duke mbajtur një litar, u drejtua drejt saj dhe ia vuri në qafë.
Më pas 33-vjeçarja ka tërhequr me forcë litarin duke tentuar ta mbyste. Vajza, e cila në atë moment mbante në krahë fëmijën e tyre të mitur, ka reaguar dhe ka tërhequr litarin nga qafa, ndërsa ka bërtitur për ndihmë.
Fatmirësisht për të, prindërit e saj po flinin në dhomën ngjitur, të cilët dëgjuan zhurmën dhe nxituan në vendngjarje. Më pas autori e ka lëshuar litarin, e ka goditur me grusht në kokë dhe e ka kafshuar në krahun e djathtë, më pas është larguar në këmbë.
Gruaja kontaktoi autoritetet dhe pas kërkimeve, 33-vjeçari u gjet dhe u arrestua nga policia mëngjesin e së shtunës së kaluar.
Discussion about this post