Musiala para sfidës me Spanjën: Duhet të sakrifikojmë për të gëzuar kombin tonë

Ylli gjerman Jamal Musiala u ndal te “finalja” e parakohshme Spanjë-Gjermani, që u hap udhën çerekfinaleve të Euro 2024.

Një ndër lojtarët më të rëndësishëm të Kombëtares së drejtuar nga Julian Nagelsmann, theksoi se nuk është vetëm Lamine Yamal rreziku kryesor.

“Kënaqësi ta shohësh duke luajtur, por Gjermania nuk duhet të shqetësohet vetëm për Yamal.

Spanja ka shumë lojtarë të rrezikshëm, të cilët i japin vlera skuadrës. Mund të përmend Nico Williams dhe Pedrin, emra që vendosin ndeshjen.

Por, edhe ne gjermanët kemi futbollistë të tillë. Duhet të kemi besim tek aftësitë tona. Të dyja skuadrat kanë kualitetin për të mbërritur në finalen e madhe.

Ne luajmë në shtëpi, duhet të sakrifikojmë për të gëzuar popullin tonë. Është nder i madh t’i përfaqësojmë ata.

Mbështetja e tyre na mbush plot forcë. Gjithçka është e mundur kur ke një Komb pas teje.

Duam t’i mbushim njerëzit tanë me krenari dhe gëzim. Përgjegjësi e madhe, por edhe shumë argëtuese në të njëjtën kohë“, u shpreh Musiala.

Spanjë-Gjermani është programuar të nisë prej orës 18:00 të së premtes, në “MHP Arena” të Stuttgartit.