Misioni ndërkombëtar i KFOR-it në Kosovë ka bërë të ditur se një sërë pajisjesh ushtarake do të futen nesër nga kufiri me Maqedoninë e Veriut, duke filluar nga Fushë Kosova drejt kampit në Novo Selo. Në këtë kuadër KFOR kërkon nga që të respektojnë kujdes kur i afrohen këtyre forcave dhe të respektojnë rregullat e vendosura Në një njoftim zyrtar, KFOR bën të ditur se mjetet do të udhëhiqen nga batalioni hungarez, për të siguruar stabilitet në vend,
“Automjetet dhe pajisjet ushtarake, duke përfshirë transportuesit e personelit të blinduar (BTR), do të hyjnë në Kosovë nga kufiri i Maqedonisë së Veriut dhe nga Fushë Kosova gjatë rrugës për në kampin Novo Selo midis 21-26 dhjetor 2021.
Lëvizja logjistike e këtyre automjeteve dhe pajisjeve është pjesë e paravendosjes së aseteve të Forcave Rezervë Operative të Forcës së Kosovës. Gjatë vitit të ardhshëm batalioni i parë i njësive rezervë do të sigurohet nga Hungaria duke siguruar një gatishmëri shumë të lartë për KFOR-in që do të ruajë një mjedis të sigurt dhe lirinë e lëvizjes në Kosovë.
Shoferë ushtarakë me përvojë nga Batalioni i Rezervës Operacionale Hungareze do të drejtojnë automjetet; të gjitha lëvizjet do të bëhen me çdo masë paraprake për të pakësuar ndikimin në trafikun publik”, thuhet në njoftim, duke iu bërë thirrje qytetarëve që mos neglizhojnë rregullat.
Discussion about this post