“Instistojmë që SPAK të jetë në krye të detyrës”, deklaron kryedemokrati Lulzim Basha, sa i takon skepticizmit për funksionimin siç duhet apo jo të SPAK. Ai gjithashtu shprehet se përpos faktit që organi i posaçëm i akuzës ka neglizhuar dy raste të shkeljes së ligjit dosja 384 dhe 339, PD ka besim se SPAK do punojë siç duhet në kuadër të drejtësisë. Ndërsa ka shtuar se shenjat e para të kësaj pune kanë ardhur pas arrestimit të një ministri, përkatësisht të Lefter Kokës.
“Jemi tradhtuar në 6-8 ligjet pa konsensusin tonë. Kemi votuar një ligj për SPAK dhe BKH. Insistojmë që SPAK të jetë në krye të detyrës. Në dy raste SPAK hoqi përgjegjësinë nga vetja për dosjet 384 dhe 339. Më në fund kemi parë provën e parë të arrestimit të një ministri. S’kam ndryshuar qëndrim, por ndryshoi SPAK. SPAK po financohet nga taksat e shqiptarëve, SHBA dhe BE. Që nga momenti i krijimit të saj, punën e kishte gati para syve. E kishte gati për çështjet më flagrante të korrupsionit. Është krijuar për të mbrojtur mirëqenien shqiptare: aleanca e korrupsionit të politikës me krimin”, ka deklaruar ai.
Ai gjithashtu thekson se “Në gjithë këtë investim që po bën Shqipëria, presioni është që SPAK të mos veprojë nga ata që kanë pushtetin. Hetoni korrupsionin. Goditini të gjithë sipas ligjit. Ju mbështesim pa kushte në zbatimin e ligjit dhe mandatit që ju ka dhënë shqiptarët. Ajo pjesë e opozitës. Le të jetë ky fillimi i asaj që presin shqiptarët. Të goditet korrupsioni”.
Discussion about this post