Portieri i Kombëtares shqiptare, Thomas Strakosha ka rifituar statusin e portierit titullar në skuadrën e Lazios, me katër sfidat e fundit mes kampionatit dhe Europa League, të cilit trajneri Maurizio Sarri i ka besuar.
Çështja e rinovimit të kontratës ka ngecur, ndërsa ajo mbaron në fund të këtij sezoni. Gjendur përpara merkatos së janarit kjo gjë vështirësohet akoma më shumë duke ditur se për shqiptarin ka goxha interes nga ana e Newcastle.
Ndërsa së fundmi interes për Strakoshën ka shfaqur edhe Watford, që kërkon transferimin e Strakoshës në janar raporton ‘Calciomercato’. Ky ekip drejtohet nga Claudio Ranieri, i cili më parë e ka fituar Premier League me Leicester dhe tashmë kërkon të jetë i suksesshëm edhe me Watford.
Mbetet për t’u parë nëse Lazio do ta bindë portierin për të rinovuar teksa Strakosha është pjesë e kryeqytetasve prej vitit 2012, duke u aktivizuar fillimisht me moshat dhe më pas me Salernitanën, si i huazuar derisa u rikthye ekipin e parë në vitin 2016./K.T/Gijotina.com
Discussion about this post