Pasi mësoi kundërshtarin në finale, trajneri i Spanjës, Luis De la Fuente, tregoi se do të jetë një ndeshje e fortë.
Dy ekipet, edhe pse me stile të ndryshme loje, do të luftojnë shumë për të marrë trofeun në fund.
“Shumë urime Anglisë për kualifikimin në finale. Kemi stile të ndryshme loje. Anglia ka një skuadër shumë të fuqishme fizikisht, por ne do të përpiqemi të imponojmë stilin tonë, të kemi më shumë posedimin e topit. Në finale, një gabim mund të vendosë gjithçka.
Mund të përdorim dhe kundërsulmin, pasi në finale, ndikohemi edhe nga aspekte të tjera të rëndësishme si të mos bëjmë gabime, ka dhe shumë aspekte psikologjike që mund të ndikojnë në zhvillimin e lojës, por ne do të përpiqemi të jemi aty, t’i dominojmë ata në të gjitha aspektet. Në 90 minuta vendoset gjithçka, uroj për një lojë të drejtë dhe të fitojë më i miri”, tha De la Fuente për mediat.
Discussion about this post