Kërkoi pezullimin e dënimit me burg, Gjykata e Lartë rrëzon kërkesën e Fredi Belerit

Gjykata e Lartë rrëzon kërkesën e Fredi Belerit, i cili kërkonte pezullimin e ekzekutimit të vendimit që e dënoi atë me 2 vite burg.

Beleri kërkoi që ekzekutimi i vendimit të pezullohej derisa për të të shprehej Gjykata e Lartë.

Treshja gjykuese e përbërë nga Ilir Panda, Medi Bici dhe Albana Boksi vendosi mospranim të kësaj kërkese.

Fredi Beleri u dënua në 5 mars të këtij viti me dy vite burg nga gjykata e shkallës së parë, vendim i cili u la në fuqi në 25 qershor edhe nga Apeli i Posaçëm.