Vendosën penalltitë, Egnatia eliminohet në turin e parë të Champions League

Egnatia është eleminuar në turin e parë kualifikues të Champions League, nga ekipi i Borac Banja Luka.

Skuadra shqiptare kishte humbur 1-0 në ndeshjen e parë, ndërsa sonte në Shqipëri fitoi 2-1. Koha shtesë  nuk prodhoi gol, ndërsa gjithçka u vendos nga penalltitë.

Borac fitoi sfidën e parë në një atmosferë të tensionuar pasi tifozët boshnjakë nuk reshtën thirrjet antishqiptare, duke sjellë edhe ndërprerjen e ndeshjes. Kjo është arsyeja pse UEFA e cilëson tani ndeshjen e kthimit si të rrezikshmërisë së lartë dhe ka vendosur një gjyqtar ekspert si italiani Mareska.

Ndeshja nisi me ritëm të lartë, me të dy skuadrat që u vendosën në kërkim të golit. Ekipi i Tetovës kaloi në epërsi në minutën e 17-të, me anë të Ibrahimoglu.

Mysafirët nga Bosnja shfrytëzojnë një maksimum një pakujdesi të Egnatias, për të dërguar shifrat me Lukic. Në barazim u mbyll pjesa e parë, ndërsa pjesa e dytë ishte edhe më emocionuese.

Egnatia ndëshkoi portën e Siskovsit në të 82-tën, me një aksion mjaft të bukur, gol ky që dërgoi ndeshjen në shtesë.

Pas shtesës që nuk solli asgjë, Borac Banja Luka u tregua më e saktë nga pika e bardhë e penalltisë. Egnatia vijon rrugëtimin në Europë, tani në Conference League.

Penalltitë

Gjuan Lushkja, pret portieri. Egnatia-Borac 1-3

Gjuan Hasukiç, shënon. Egnatia-Borac 1-3

Gjuan Ibrahimoglu, shënon. Egnatia-Borac 1-2

Gjuan Pejoviç, shënon. Egnatia-Borac 0-2

Gjuan Aleksi, traversë. Egnatia-Borac 0-1

Gjuan Herrera, shënon. Egnatia-Borac 0-1

EGNATIA-BORAC 2-1

16′ Ibrahimoglu, 82′ Xhoel / 30′ Lukiç

16’ GOOOL EGNATIA! Rrogozhinasit kalojnë në avantazh pas një aksioni në të djathtën me Ibrahimoglu i cili çon sferën në rrjetë me gjuajtjen e tij.

30’ Egnatia e pafat, teksa pëson gol nga hiçi! Topi nga qendra e mesfushës shkon te Lukiç i cili shmang tre lojtarë dhe falë një gjuajtje të devijuar barazon shifrat.

82’ GOOOL EGNATIA! Aleksi në krahun e djathtë bën një aksion spektakolar dhe pason për Xhoel i cili shtyn sferën në rrjetë

FORMACIONET ZYRTARE

EGNATIA: Sherri, Dulis, Malota, Xhemajli, Fangaj, Alijev, Aleksi, Ahmetaj, Lushkja, Ibrahimoglu, Xhoel.

Trajner: Edlir Tetova

BORAC: Shiskovski, Meijers, Karolina, Kvrzhiç, Herera, Vranjes, Grahovac, Hrelja, Saviç, Vukoviç, Lukiç.

Trajner: Mlladen Zhizhoviç.

gijotina.com/