Një dokument i prokurorisë që implikon Guvernatorin e BSH Gent Sejkon në skandalin e mikrokredive shkakton debat të fortë mes nëkryetares së Kuvendit. Felaj dhe deputetit Gazmend Bardhi. Ata janë përplasur ashpër gjatë seancës së sotme parlamentare, teksa nga foltorja Guvernatori i Bankës së Shqipërisë, Gent Sejko, raporton mbi raportin vjetor të viti 2023.
Teksa Gazment Bardhi mori fjalën, Felaj tha se nuk po flet për procedurë e duhet t’i ndërpresë fjalën, ndërsa i tha po ashtu se “juve ju kanë akuzuar njerëz të partisë suaj se i keni shërbyer interesave të përmbaruesve privat”.
“Moj zonjë, ty të kanë akuzuar se të kanë marrë peng bandat dhe të kanë gjetur me të pandehurit, e ne s’po themi gjë”, iu përgjigj Bardhi.
Debati vijoj edhe më tej, ku Felaj tha se dokumenti që Bardhi i referohej lidhur dhe hetimet për përmbaruesit provat nuk vlente, e duhej të ngrihej alarm se si dokumentet e dosjeve kanë rënë në duart e tij.
“Po bien dhe në dorën time e tënden, e të burrit tënd, na lër të mbarojmë. Do bien edhe në dorën tonë’, tha Bardhi, ndërsa i tha më tej Felajt se “dosjen burri jot ma dha, prokuror! A punon në Prokurorinë e Tiranës, më solli dosjen e guvernatorit të bankës”
Pjesë nga debati:
Felaj: Nëse nuk keni konflikt interesi uluni dhe mos e vijoni këtë gjë. Ju kanë akuzuar njerëz të partisë suaj se i keni shërbyer interesave të përmbaruesve privat
Bardhi: Moj zonjë, ty të kanë akuzuar se të kanë marrë peng bandat dhe të kanë gjetur me të pandehurit, e ne s’po themi gjë.
Felaj: Mos e zgjasni këtë debat, mos u fusni në historira se më keq do të dilni.
Bardhi: Jo unë nuk dal keq kurrë zonjë, se unë mbaj përgjegjësi për firmat që hedh, ndryshe nga ty që të marrin peng. Në këtë relacion që unë lexova, ka dy banda, banda e përmbaruesve dhe banda e Bankës së Shqipërisë. Ju keni marrë përsipër ti mbroni të dyja bandat.
Felaj: Zoti Bardhi nuk po flini për procedurë, respektoni kolegët dhe institucionit që përfaqëson guvernatori. Mund të mos ju pëlqej farë guvernatori, por ai përfaqëson një institucion kushtetues.
Bardhi: Nuk kam lidhje fare me guvernatorin.
Felaj: Kush është pra shqetësimi juaj në këtë pikë.
Bardhi: Ekzaktesit, në respekt të pavarësisë së Bankës së Shqipërisë, nuk bëra asnjë koment personal, por iu referova një institucioni tjetër të pavarur, që është Prokuroria e Shtetit. Që të mos jenë akuza politike, por një dokument që e thotë një institucion.
Felaj: Jua thash vlefshmërinë e atij dokumentin, nuk është provë që ju ta tirrni kaq gjatë. Këtu të ngrihet një alert që dokumentet e dosjeve bien në dorën tuaj.
Bardhi: Po moj bien dhe në dorën time e tënden, e të burrit tënd, na lër të mbarojmë. Do biën edhe në dorën tonë.
Felaj: Të mbeti dhe emri kush ta ka dhënë pa thënë.
Bardhi: Pse do të ta them ty? Burri jot ma dha, prokuror! A punon në Prokurorinë e Tiranës, më solli dosjen e guvernatorit të bankës.
Felaj: Mbarojeni, po kaloni çdo nivel etike.
gijotina.com/
Discussion about this post