Turistët “kursimtar” në Sarandë, çmimet i detyrojnë të shkojnë në plazhe publike

Këtë verë në Sarandë, ndryshe nga vitet e tjera të huajt gjithnjë e më shumë nuk po shpenzojnë para, por po u drejtohen plazheve publike.

Edhe pse në pamjen e parë duken të mbipopulluar, turistët e huaj sërish thonë se aty ka hapësirë të mjaftueshme për të vendosur çadrat e tyre.

“Më duket këndshëm, qenka plotë me njerëz por e gjetëm një vend për tu ulur me familjen tonë të vogël. Ndihem i sigurt , ka roje bregdetare, ka vende ku mund të luajnë fëmijët për mua këtu është këndshëm”.

Të tjerë turist të huaj megjithëse theksojnë se ndihej të sigurt në plazhet publike të Sarandës, sërish nuk ngurrojnë të pohojnë se disa gjëra duhet të përmirësohen.

“Unë në të vërtet nuk i pëlqejnë plazhet publike pasi, ka shumë njerëz. Këtu afër ka shumë ndërtesa te larta, ok e kuptoj është qytet i madh. Në fakt ka qytete të Shqipërisë që më pëlqejnë më shumë. Ka shumë njerëz të ky plazh publik po megjithatë më duket i sigurt, nuk shohë asgjë të pasigurt këtu.”

“Duhet të ishte më i pastër mendoj, hapësira për mua është e mjaftueshme, më pëlqen shumë fakti që ka shkallë, nuk e kam parë askund por më pëlqen, ti mund të ulesh këtu dhe të shohësh fëmijën tënd. Roje plazhi nuk shohë këtu , është një kullë vrojtimi, por rojen nuk e shohë gjithsesi nuk është se ndihem e pasigurt këtu”.

Rritja e çmimeve të shezlloneve në fillim të sezonit, shtyu pushuesit e huaj drejtë hapësirave të dedikuara publikut pa pagesë.