Zjarret në vend, dy vatra ende aktive/ Problematike situata në Tropojë

Qendra Kombëtare Operacionale e Emergjencave Civile njofton se 2 vatra zjarri mbeten ende aktive.

20 vatra zjarri janë mundur të shuhen në 24 orët e fundit.

Problematike është situata në fshatin Zogaj, bashkia Tropojë, ku terreni i vështirë ka penguar punën, duke bërë që zjarri i rënë në një sipërfaqe me shkurre dhe ferra të riaktiviohet, vlerësojnë Emergjencat Civile.

Operacioni vijon me forcat dhe mjetet e bashkisë Tropojë dhe Has.

Vijon edhe sot operacioni për shuarjen e zjarrit në fshatin Malecaj, bashkia Lezhë.

50 efektivë të FA raportohet se i janë bashkuar operacionit në këtë zonë, duke shmangur rrezikun ndaj shtëpive të fshatit.