Një vatër zjarri në Vlorë në fushën e mbetjeve vijon të jetë ende aktive, ku dyshohet se ka qenë një zjarrvënie e qëllimshme.
Edhe pse prej disa orësh po punohet për ta vënë nën kontroll, situata vijon të jetë e njëjtë, ku tymi shkon drejt qytetit, duke krijuar shqetësime për pushuesit dhe banorët.
“Ndihemi në rrezik për shëndetin dhe kjo situatë është çdo herë“, janë shprehur më herët qytetarët.
Drejtori i emergjencave civile pranë bashkisë së Vlorës, Adrian Vreshtazi, sqaroi se terren ndodhen katër makina të zjarrfikëseve por edhe ato të bashkisë së Vlorës për ta mbajtur në kontroll flakët që u kthyen në rrezik edhe për 4 banesa.
Pas ndërhyrjes së kryer nga forcat zjarrfikëset këtë të premte pritet ndërhyrja edhe nga mjete të ushtrisë.
E njëjta situatë ka qenë edhe vitin e kaluar, ku zjarri dhe tymi ka vijuar më shumë se 15 ditë.
Discussion about this post