5 vite më parë një punëtor shqiptar humbi jetën në Itali dhe vetëm ditën e sotme familjarët kanë arritur të marrin dëmshpërblim. Ngjarja ka ndodhur në Bologna në Verën e vitit 2016, kur shqiptari Lefter Sulaj u rrëzua nga lartësia për shkak të skelave të pasiguruara. Shqiptari humbi jetën në krye të detyrës.
Procesi gjyqësor ka zgjatur 5 vite dhe ka kaluar nëpër vështirësi të shumta. Si përfundim gjykata italiane dënoi me nga 9 vite burgim me kusht 2 pronarë të ndërtesave dhe 2 pronarë të kompanive të ndërtimit. Po kështu, gjykata vendosi t’i jepen 100 mijë Euro dëmshpërblim gruas së viktimës dhe 3 fëmijëve të tij. Një shumë tjetër prej 5 mijë Eurosh u vendos t’i jepet Shoqatës së Punëtorëve të Gjymtuar dhe Invalidë, të cilët kishin ngritur padi.
Discussion about this post