Në kërkim ndërkombëtar, arrestohet në Shkodër 52-vjeçari për ekstradim drejt Italisë

Një 52-vjeçar është vënë në pranga në Velipojë me qëllim ekstradimin e tij në Itali.

Shpëtim Memolla nga Peqini ishte shpallur në kërkim ndërkombëtar për veprat penale “Organizatë kriminale”, “Trafikimi i narkotikëve” dhe “Prostitucion”.

Ky shtetas ishte i shpallur në kërkim ndërkombëtar, nga Interpol Roma/Itali pasi Gjykata e Apelit Laquila/Itali në vitin 2022 e ka dënuar këtë shtetas me 8 vjet e 8 muaj burg për veprat penale “Organizatë kriminale”, “Trafikimi i narkotikëve” dhe “Prostitucion”.

Interpol Tirana në bashkëpunim me Interpol Romën vijojnë punën për ekstradimin e këtij shtetasi drejt Italisë.

gijotina.com/