Zjarri përfshin malin e Shëngjinit, flakët i afrohen zonës së ‘Ranës së Hedhur’

Flakët kanë përfshirë një hapësirë me bimësi në veriperëndim të Shëngjinit, në drejtim të zonës së njohur si Rëra e Hedhur.

Mësohet se zjarri në malin e Shëngjinit është favorizuar edhe nga era e fortë, duke u përhapur në dy drejtime, mbi zonën e qytetit dhe nga ana e Rërës së Hedhur.

Ndërkohë ka nisur ndërhyrja nga ajri për shuarjen e flakëve, të zjarrit të rënë në malin e Shëngjinit, ditën e sotme.

Sipas informacioneve mësohet se flakët i janë afruar zonës turistike të Ranës së Hedhur.

Zjarri ra fillimisht mbi qytetin e Shëngjinit, në fshatin Mal Shëngjin dhe si rezultat i punës së kryer nga grupet e shëbimit zjarrfikës të MZSH, Lezhë dhe 30 efektiv të FA  u vu nën kontroll, nga ana nga ana veriperendimore e qytetit, pasi pylli është kryesisht me pishë të lartë dhe i dendur.

Si rezultat i shtimit të erës pati riaktivizim të zjarrit në pjesën jugore të fshatit Mal Shëngjin, mbi qytetin e Shëngjinit, ndërsa tashmë po vijon që të përhapet edhe në zona të tjera.