24-vjeçari shqiptar Eglantin Doksani, është dënuar nga Gjykata e Mbretërisë së Bashkuar me 10 vite burg, për trafikim të qindra njerëzve drejt Mbretërisë së Bashkuar me varka të vogla.
Sipas hetuesve të Agjencisë Kombëtare të Krimit, i riu shqiptar mund të jetë përgjegjës për transportimin e qindra njerëzve nëpër Kanal gjatë vitit 2022. Nga dosja e hetuesve, shqiptari u identifikua si një bashkëpunëtor të Heëa Rahimpur, një nga drejtuesit e një bande të përfshirë në lëvizjen e rreth 10,000 njerëzve në MB.
Shtetasi iranian Rahimpur u arrestua nga NCA në lindje të Londrës në vitin 2022 dhe u ekstradua në Belgjikë për t’u përballur me gjyqin. Ai u dënua me 11 vjet burg tetorin e kaluar.
Doksani vepronte si agjent për emigrantët, duke ndërmjetësuar hapësirat në varkat që përdoreshin nga rrjeti i Rahimpurit dhe të tjerë.
Bisedat në Ëhatsapp të gjetura në telefonin e Rahimpurit evidentuan diskutime rreth njerëzve që Doksani dëshironte të transferohej në MB.
Në një mesazh, Doksani, i tha Rahimpurit “Ju lutemi të përpiqeni të bëni diçka nesër për të dërguar djemtë sepse kam edhe 10 njerëz të tjerë që më presin. Cash në dorë”. Në një tjetër ata diskutuan për paratë, me Doksanin duke thënë “herë tjetër vëlla, do t’i bëj më mirë të gjithë bashkë për 10 persona 30 mijë £”, tha ai.
Në një bisedë të veçantë me një tjetër kontrabandist të dyshuar të gjetur nga telefoni i Doksanit, ata diskutuan për vendndodhjet e marrjes. Doksani dërgoi një hartë dhe koordinata për vendin ku prisnin klientët e tij, në Gravelines midis Calais dhe Dunkirk. “Ata po presin afër ujit vëlla,” tha ai.
Kur oficerët e NCA fillimisht arrestuan Doksanin në korrik 2022, ai jetonte në një apartament në Isle of Dogs. Teksa mbërritën, u pa një qese e hedhur nga dritarja. Më vonë u zbulua se përmbante kokainë. Nga vendi i ngjarjes u gjetën edhe peshore elektronike dhe prerëse. Doksani u lirua me kusht në pritje të hetimeve të mëtejshme.
Pasi u zbuluan prova të mëtejshme të aktiviteteve të tij të kontrabandës me njerëzit e tij nga hetuesit, ai u arrestua për herë të dytë, këtë herë në Cheshunt, Hertfordshire.
Oficerët e NCA zbuluan se ai kishte përdorur një pasaportë false për të hapur llogari bankare, të cilat më vonë i përdori për të depozituar fitimet e tij kriminale.
Pas arrestimit të tij të dytë, ai u akuzua për lehtësimin e emigracionit të paligjshëm, mashtrimin, pastrimin e parave dhe veprat penale të furnizimit me drogë.
Ai më vonë u deklarua fajtor për shtatë vepra penale dhe u burgos sot për nëntë vjet e nëntë muaj nga një gjykatës në Gjykatën e Kurorës St Albans. Ai përballet me deportim pas vuajtjes së dënimit.
Discussion about this post