Mjekja psikiatër Arjana Rreli, ka treguar gjatë një interviste televizive se pasojat psikologjike që Covid lë te njerëzit janë shqetësim që prek të gjithë si ata që e kanë kaluar, port edhe ta që janë në pritje.
Prandaj, Reli bëri thirrje që të mos neglizhohen këto pasoja, pasi mund të kthehen në probleme afatgjate. “Pasojat psikologjike nuk janë vetëm ata te ata që e kanë kaluar, por dhe ata që janë në stresin që se kanë kaluar apo janë në pritje dhe mendojnë për familjarët. Është një ankth që përshkallëzohet në të gjitha nivelet dhe grupmoshat. Ata që e kanë kaluar tashmë kanë paraqitur problematika shëndetësore por dhe me gjendje të rënduara psikologjike se sa ankthi dhe stresi.
Sa i përket rasteve të fatalitetit ato janë komplikacionet e rënda të covid dhe nuk shpëton as prekja e sistemin nervor. Nëse i referohemi këtyre rasteve ishim në kushte të tjera ishte e papritura dhe e panjohura ku individi mund të nxjerrë konkluzione ndryshe nga ajo që është. Por nëse i referohemi këtyre ditëve ku kemi gati 2 vite që po bashkëjetojmë me covid vëmë re nxjerrjen në pah të pasojave që kanë pasur një problematikë të mbartur nga koha. Përgjithësisht secili nga ne i ka gati pikat e dobëta që mund të dalin në pah nga një problematikë”, tha ajo.
Ndërsa sa i përket moshave më të prekura psikiatria tha se prek më tepër shoqërinë aktive 20-30-vjecarët, ndërsa bëri thirrje se ankthi dhe stresi nuk duhet neglizhuar në asnjë moment në mënyrë që të mos përparojë problemi.
Discussion about this post