Tre javë pasi publikuan masat e reja anti-Coviud, Komiteti Teknik i Ekspertëve do të mblidhet ditën e sotme për të bërë publike masat e marra për festat e fundvitit.
Mësohet se, në orën 10:00 ekspertët e Komitetit do t’u komunikojnë qytetarëve planin e masave për fundvitin dhe për situatën aktuale. Sipas ekspertëve të shëndetit publik, situata me covid në vend është nën kontroll, ndërsa nuk ka ende asnjë shenjë nga varianti Omicron.
Disa javë më parë, kryetarja e Komitetit Teknik të Ekspertëve, Mira Rakacolli bëri të ditur se nisur çdo qytetar +18 vjeç mund të bëjë dozën përforcuese pasi ka kaluar 6 muaj nga doza e dytë. Gjithashtu, ajo njoftoi se punonjësit e marketeve dhe administratës duhet të vaksinohen pasi nisur nga 4 janari do tu kërkohet karta e vaksinimit.
Discussion about this post