Fitorja 4-2 e Milan ndaj Empoli mbrëmjen e së mërkurës, bëri që ‘Djalli’ të arrijë një rekord fitoreje në Serie A si mysafir.
Skuadra e Stefano Piolit kaloi shpejt në avantazh falë Franck Kessie, përpara se Nedim Bajrami të shënonte golin e barazimit gjashtë minuta më vonë. Megjithatë, ‘kuqezinjtë’ e Italisë vazhduan presionin dhe mesfushori i Fildishtë shënoi sërish pak para përfundimit të pjesës së parë duke i dhënë sërish avantazhin ekipit të tij.
Golat e Alessandro Florenzi dhe Theo Hernandez në pjesën e dytë siguruan tre pikët, pavarësisht golit të Andrea Pinamonti.
Fitorja e Milan ndaj Empolit ishte e 17-a e tyre në transfertë në 2021, duke e bërë atë ekipin e dytë në Serie A që fiton kaq shumë ndeshje jashtë shtëpisë në një vit të vetëm kalendarik. Përpara tyre është Napoli, i cili fitoi 18 ndeshje në 2017-ën nën drejtimin e trajnerit të atëhershëm Maurizio Sarri./K.T/Gijotina.com
Discussion about this post