Lojtari i Kombëtares shqiptare, Nedim Bajrami ishte lojtari kryesor i Empolit mbrëmjen e së mërkurës teksa shënoi për ekipin e tij në ndeshjen me Milan.
Shqiptari barazoi përkohësisht sfidën në rezultatin 1-1, ndërsa në fund u mundën me shifrat 4-2 nga ‘Djalli’.
Megjithatë fantazisti mbeti protagonist në ndeshje dhe fati i keq i mohoi golin e dytë teksa në një moment u ndal nga traversa.
22-vjeçari i shkaktoi mjaft telashe prapavijës së Milan edhe më pas duke qenë se në fund fitoi edhe një penallti, të shndërruar në gol nga sulmuesi Pinamonti.
Për këtë lojë që bëri ‘Eurosport’ e ka vlerësuar shumë pozitivisht paraqitjen e Bajramit duke i vendosur notën 6.5.
“Një goditje në fillim e cila iu “preu gjunjët” kuqezinjve, më pas vjen një tjetër e djathtë që stampohet në traversë. Ka dinamit në atë këmbë”,-raporton ‘Eurosport’ për Bajramin./K.T/Gijotina.com
Discussion about this post