Trajneri i Lushnjës, Ilir Gjyla është shkarkuar nga detyra për shkak të mungesës së rezultateve. Fitorja ndaj Shkumbinit me shifrat 4-1 e ‘verdhejeshilëve’ pas 8 javësh mungesë të rezultateve pozitive, nuk ka ndikuar aspak në vendimin e Bashkisë së Lushnjës për ta larguar teknikun.
Përveç Gjylës e ka pësuar edhe Dritan Çuko, si dhe shefi i klubit, Edison Koçi, ndërsa Bashkia ka dalë edhe me një komunikatë zyrtare, ku bën me dije këtë vendim.
“Ju bëjmë me dije se Kryetarja e Bashkisë znj.Eriselda Sefa dhe njëkohësisht presidentja e Klubit të Futbollit Lushnje, shkarkoi nga detyra dy trajnerët Ilir Gjyla dhe Dritan Çuko si dhe shefin e klubit Edison Koçi për rezultate të dobëta të ekipit në fazën e parë. Së shpejti do të ketë një organizim të ri të ekipit të futbollit”,-shkruhet në këtë njoftim./K.T/Gijotina.com
Discussion about this post