Prokuroria e Posaçme ka mbyllur hetimet për ish-kreun e Bashkisë së Lushnjës, Fatos Tushe dhe zyrtarët e tjerë të akuzuar për shpërdorim detyre dhe shkelje të barazisë në tendera.
Mësohet se, Prokuroria u ka komunikuar akuzat zyrtare ish-kryebashkiakut Fatos Tushe, Flamur Peqini, Xhemal Hasko, Blerta Turuku, Ani Simoni, Andri Mushaj, Margarita Gjermeni, Bujar Murati, Ibrahim Lami, Xhemal Hasko dhe Gazment Çela.
Ata dyshohet se abuzuan me një tender me vlerë 24 milionë lekë për rehabilitimin e një kanali vaditës. Dy ditë më parë Ish-kryebashkiaku i Lushnjës, Fatos Tushe, ka hequr dorë nga ankimimi në Gjykatën Kushtetuese për shkarkimin e tij nga detyra pas arrestimit nga SPAK për abuzim me fondet publike.
Discussion about this post