Policia e Fierit ka arrestuar në flagrancë dy shtetas që shpërndanin lëndë narkotike kokainë, heroinë dhe cannabis sativa të ndarë në doza të vogla, në disa zona të qytetit të Fierit. Gjatë kontrollit fizik janë sekuestruar dhjetëra doza me kokainë, heroinë, cannabis sativa, 90 mijë lekë të rinj, 4 aparate celulare, 1 automjet dhe sende të tjera që shërbenin për peshimin dhe paketimin e lëndës narkotike në doza.
Dy shtetasit e arrestuar janë E. Gj., 33 vjeç dhe I. N., 30 vjeçe, të dy banues në Fier. Materialet do t’i kalojnë Prokurorisë pranë Gjykatës së Shkallës së Parë Fier, për veprime të mëtejshme, për veprën penale “Prodhimi dhe shitja e lëndëve narkotike” e kryer në bashkëpunim.
Discussion about this post